Oden napiang apan Portland midaog

CEBU, Philippines - Napiang ang sentro sa Porltand Trailblazers nga si Greg Oden human makugmok ang iyang tuway-tuway atol sa ilang kulba-hinam kaayong kadaogan batok sa Houston Rockets sa iskor, 90-89 kagahapon sa nagpadayong 2009-2010 season didto sa Rose Garden sa Portland, Oregon.

Kusog kaayong pagkabunsak ang tuhod ni Oden ug nagping-it kini sa kasakit ug kinahanglan pa siyang ikarga og stretcher gawas sa korte.

Sa laing bahin, laing usa ka punto ang gidag-an sa Charlotte Bobcats batok sa Philadelphia Sixers, 106-105 aron pag-inat sa ilang record ngadto sa 8-11 nga baraha.

Hinoon, wala makapugong ang Utah Jazz batok sa host Minnesota Timberwolves kinsa midaog pinaagi sa upset, 108-101 samtang gipaka-uwawan sa Atlanta Hawks ang host Dallas Mavericks pinaagi sa pag-iskor og 80-75 nga kadaogan didto sa American Airliens Center sa Dalas, Texas.

Sa laing duwa, gilubong sa Toronto ang Chicago, 110-78, gipaksitan sa Denver ang San Antonio, 106-99, midaog ang Phoenix batok sa Sacramento, 115-107, naka-upset ang LA Clippers batok sa Indiana, 88-72 ug gidis-armahan sa Orlando ang Golden State, 126-118. - GGM via NBA.com (BANAT NEWS)