CBM hawod sa 1st Aquamundo Swimfest

CEBU, Philippines - Ang Cebu Blue Marlins swim club maoy nanghawod   sa labing unang Aquamundo Age-Group Swimfest kagahapon diha sa Cebu City Sports Center.

Ang Cebu Blue Marlins mihipos sa kinatibuk-ang 2,288 puntos nga gibahin-bahin gikan sa 18 ka golds, 16 ka silvers ug 17 bronzes.

Nagsunod alang sa ikaduhang dapit ang Silliman University Swim Club nga adunay 1,098 puntos ug Bohol Dolphins sa ilang 359 puntos.

Mi-okupar sa ikaupat nga dapit mao ang Dipolog Blue Marlins nga mihipos og 272 puntos, samtang ang Negros Oriental Blue Dolphins maoy mikapyot sa ikalima nga dapit nga adunay 210 puntos.

Lain pang mga partisipanteng koponan mao ang University of San Jose-Recoletos (158 pts.), Tepanee Beach Resort Swim Team (103 pts.), Abellana National Schol (54.67 pts.), Cebu International School (41 pts.) Sea Knights (20 pts.) ug Cebu Baby Dolphins Swim (14.67 pts.)

Ang maong torneyo gipasiugdahan sa Philippine Amateur Swim Association. – BANAT NEWS