RCAD milubong sa Dhagz

CEBU, Philippines - Mikulit sa ilang ikaduhang daog ang RCAF ni team owner Romeo Faunillan pinaagi sa paglampurnas sa Dhagz, 101-85 sa nagpadayong Norvic Abella’s Cup 2009 Christmas basketball tournament niadtong Martes diha sa Labangon open court, ning dakbayan.

Unang naglabaw ang Dhagz sa iskor nga 24-20    pinaagi sa mga tirada ni Dicksim Kintanar, apan mao lang kadto ang katapusan nilang kusog kay human mosukli og 29-13 nga rally ang RCAF, dali ra kaayo silang nabiyaan og 12 puntos, 49-37 sa halftime. Wala nay nahimo pa ang Dhagz sa katapusang duha ka kuwarter sukad niadto ug ila na lang nga giangkon ang kaparotan.

Si Jong Wilbur mirehistro og game-high 24 puntos aron pangulohan ang RCAF, gisundan ni Fritz Baguia nga miabuno og 15 puntos ug Alwen Tabasa nga adunay 15 puntos.

Ang Dhagz gipangulohan ni Felix Atillo, kinsa mi-iskor og 18 puntos, samtang si Kintanar miamot og 17 puntos.

Puntos Matag Usa

RCAF (101) - Wilbur 24, Baguia 20, Tabasa 15, Faunillan 10, Rivera 10, Tapere 6, Lowell 4, Koyins 4, Glen 2, Ebrada 2, Dacayan 2, Arjay 2

Dhagz (85) - Atillo 18, Kintanar 17, Alibawan 16, Donggon 7, Pilaros 6, L. Restauro 6, Jabonero 6, K. Restauro 4, Daclan 2, Cajes 1 . – BANAT NEWS