Jonel's Trucking mi-ipsot
CEBU, Philippines - Ang Jonel's Trucking ni team owner Joey Cal naka-ipsot human mo-iskor og come-from behind nga kadaugan batok sa RCAF squad, 108-105 sa pagtapos sa elimination round sa Barangay Labangon Basketball Association (BLBA) 2009 Christmas tournament diha sa Labangon Sports Complex, ning dakbayan.
Ang Jonel's nakigsawo sa liderato uban sa G.I. sa managsamang 10-2 win-loss records.
Ang RCAF dribblers naglabaw, 54-48 sa halftime gikan sa sikit kaayong 27-25 human sa first period.
Apan hinay-hinay nga mikamang ngadto sa unahan ang Jonel’s Trucking tungod sa pagpangigo nilang Rowel Sumalinog ug Pitoy Mata aron masakmit ang labaw ginamit ang 34-28 scoring run sa final period.
Si Sumalinog maoy nangu sa Jonel’s pinaagi sa iyang 35 puntos, samtang si Mata miposa og 21 puntos. Ang skipper nga si Erik Espinosa midugang og 13 puntos alang sa Jonel’s ug sila si Alfie Lansang ug Andro Navaja mi-iskor sab og double figures.
Sila si Alwen Tabasa ug Danrey Baclay nagkumboya og 52 puntos alang sa RCAF. Si Tabasa mi-iskor og 28 puntos, samtang si Baclay mitali og 24 puntos ug si Romy Faunillan miamot og 21 puntos.
PUNTOS MATAG USA
Jonel’s (108) - Sumalinog 35, Mata 21, Espinosa 13, Lansang 12, Navaja 10, Elizondo 5, Cabilla 4, Castro 4, Quiroz 2, D Gracia 2
RCAF (105) - A. Tabasa 28, Baclay 24, Faunillan 21, Dignos 10, Del Campo 10, Garcia 6, Tudtud 2, L. Tabasa 2, Erana 2. (BANATNEWS)
- Latest
- Trending
