Cebu vs. Laguna

CEBU, Philippines - Laraw sa host M. Lhuillier Kwarta Padala-Cebu Niños nga mokulit sa ikaduha nilang sunod-sunod nga daog dihang ilang atubangon ang Laguna-Trace Stallions karong adlawa sa pagpadayong sa Liga Pilipinas Conference 3 “Super Leg” sa alas-5 sa hapon diha sa Cebu Coliseum

Human sa ilang kadaugan batok sa Quezon City Red Oilers, 75-61 niadtong Lunes, tinguha na usab karon sa Niños ni team owner Michel J. Lhuillier ug coach Raul 'Yayoy' Alcoseba nga mosakmit og laing daog aron mahayagan ang ilang pangandoy nga sakmiton og balik ang titulo.

Sama sa gihapon si Alcoseba mosandig sa iyang mga sinaligan nga sila si Bruce Dacia, Ariel Mepaña, Marlon Basco, Woodrow Enriquez, Stephen Padilla ug Mark Ababon. Andam usab mo-abag sila si Frank Nailon, Mark Magsumbol, Abby Santos, Ian Saladaga ug Eliud Poligrates.

Sa iyang bahin, si coach Nomar Isla san magsalig sa kanhi Purefoods Tender Juicy Giant nga si Robert Sanz uban sa kanhi cager sa Niños nga si Ron Capati, Mitch Tolentino, Alain Musni, Alex Angeles, Leomer Leosente, Vic Medina, Alfie Grijaldo ug Maui Pradas.

Sa main game nga gitakda sa alas-7 sa gabii, magpinaksitay usab ang Red Oilers ug ang defending champion MisOr Meteors.

Sa laing bahin, ang Laguna Red Oilers mikulit og daog human nila gipaluhod ang Pampanga Smart-Buddies, 64-52 kagabii diha gihapon sa Cebu Coliseum.

Hugot nga depensa maoy gihimong hinagiban sa Quezon pagpukan sa Pampanga, kinsa wala makahuygo sa tibuok duwa.

Sila si Jonathan Piñera ug kanhi UV Lancers nga si Robert Labagala nagkumboya og 24 puntos nga maoy naghatag sa milubong sa Laguna og 60-38 sa nahabiling 3:02 sa duwa ug wala na kini molingi pa sukad niadto.

PUNTOS MATAG USA

Quezon (64) - Piñera 13, Labagala 11, Mondragon 11, Panzo 7, Dedicatoria 6, Raymundo 5, Palaganas 5, Cacha 3, Suguitan 2, Orias 2

Laguna (52) - Magpayo 18, Gelig 8, Husted 7, Thiele 5, Aldave 4, Villamin 4, Al. Espirito 2, An. Espirito 2, Asoro 2, Daroya 1    (BANATNEWS)