CEBU, Philippines - Gisugat og kadaugan ang host Carcar human nila gimasaker ang Sibonga, 105-81 sa pagbukas sa 2009 Gullas Cup men’s basketball tournament niadtong miaging adlaw didto sa Carcar Sports Complex.
Si Fritz Macasero milansang og 16 puntos aron pangulohan ang Carcar. Laing upat ka magduduwa ang mitampo og double figures alang sa maong kadaugan.
Gipakita sa Carcar ang ilang kabangis pinaagi sa fastbreak play aron pagposte og 12 puntos nga labaw sa halftime, 34-22. Miburot og maayo ang labaw dihang sila si Macasero ug Jusitine Ross milunod og tulo ka sunod-sunod nga triples sa nahabiling kuwatro minutos sa duwa.
Si Lesim Ledesma maoy topscorer sa pilderong Sibonga pinaagi sa iyang 26 puntos, samtang sila si Harold Laure ug Cyrus Estodillo nagkumboya og 28 puntos.
PUNTOS MATAG USA
Carcar (105) – Macasero 16, Navarro 15, Nacua 13, Alcover 11, Del Rosario 11, Bacun 8, Ross 8, Batino 6, Laoc 6, Camingaw 4, Solon 4, Misa 3
Sibonga (81) – Ledesma 26, Laure 16, Estodillo 12, Llaños 11, Rama 6, Chan 5, Acero 2, Misa 2, Cruz 1 (BANATNEWS)