Timex Run tatakbo na bukas

MANILA, Philippines - Lalarga ang Timex Run bukas sa Bonifacio High Street sa Global City, Taguig na lalahukan ng tinatayang 5,000, kabilang ang mga long at middle-distance runners, running executives, weekend runners at celebrities.

May nakatayang total purse na P60,000, Timex Ironman Triathlon at mayroon ding Timex Heart Rate Monitors at pinakahuling Nike running shoes kung saan may kompetisyon sa 3k, 5k, 10k at 21k races.

Ang Time is Running: The 2009 Timex Run kung saan si coach Rio de la Cruz at Piolo Pascual," ang magpapakawala ng mga runners sa alas-5:30 ng umaga para sa event na magpo-promote ng physical fitness sa kabataan at mga may edad.

Ang karerang inorganisa top running coach ng bansa na sina Rio de la Cruz at suportado ni Pascual, ay higit na magpapasikat ng sport bilang fitness activity o isang alternative hobby para sa malusog na pamumuhay.

Bahagi ng kikitain ay mapupunta sa charity kung saan makikinabang ang mga kabataan sa Masbate para sa pagpapatayo ng Timex-UNICEF School sa Masbate.

Ido-donate din ng organizers ang bahagi ng rehabilitation program ng Marikina City government na naging biktima ng nagdaang bagyo.

Suportado rin ng Robinsons Land Corp., Nature Valley Crunchy Granola Bar, 100 Plus Isotonic Sports Drink, Summit Mineral Water, Nesvita at Nike ang event na mayroon ding photo contest, na may premyong P10,000 total prizes at Timex watches,

Bumisita sa www.timexwatches.com.ph para sumali sa "Guess the Bib No. and Finish Time of Piolo Pascual" online game para manalo ng Timex watch.