SSC Baycats miihaw sa USJ-R Jaguars sa PCCL
CEBU, Philippines - Ang champion sa National Athletic Association for State Colleges and Universities (NAASCU) San Sebastian College de Cavite (SSC) Baycats naghangad sa maayong performance ni Junjun Gracilla aron angkonon ang 86-77 nga kadaugan batok sa University of San Jose-Recoletos (USJ-R) Jaguars sa unang duwa sa Philippine Collegiate Champions League (PCCL) Cebu Zonals kagabii diha sa Cebu Coliseum.
Si Gracilla, kansang three-point play sa katapusang 19.6 segundos naghatag og kasiguroan sa ilang kadaugan, miposte og 21 puntos aron pangulohan ang Baycats, apan si Michael Basa, kinsa maoy miduslit sa mainitong rally pinaagi sa pag-iskor og three points maoy naghatag og tres puntos nga bentaha sa ilang koponan, 77-74 sa katapusang 1:41 sa duwa.
Si Gracilla giabagan sab ni Chris Lucerna sa iyang 18 puntos.
Ang naparot nga Jaguars gipangulohan ni Jaymar de la Peña pinaagi sa iyang 16 puntos, samtang si Edwin Bibera miamot og 15 puntos.
Puntos Matag Usa
SSC-Cavite (86) - Gracilla 21, Lucernas 19, Alcasabas 14, Basa 12, Escobal 7, Pantonia 4, Antipuesto 4, Filio 2, Pono 2
USJ-R (77) - Dela Peña 16, Bibera 15, Pateño 11, Duran 9, Dela Rama 6, Lapiz 5, Suliman 4, Nudalo 3, Alquizola 2, Senining 2, Villaver 2, Amores 2. – BANAT NEWS
- Latest
- Trending
