Timex Run sa Nov. 15

MANILA, Philippines - Tatakbo sa Nov. 15 ang Timex Run sa Bonifacio Street sa Global City Taguig at inaasahan ang maningning na lineup ng mga kasali sa event na ginaganap para sa benepisyo ng mga kapos na kabataan sa Masbate.

Bilang bahagi ng kanilang social commitment, magbibigay ang nagtataguyod na Timex ng bahagi ng kanilang kikitain upang makapagtatag ng Timex-UNICEF School sa Masbate. Magbibigay din sila ng bahagi para sa relief at rehabilitation program ng Marikina City government.

Inaanyayahan ng organizers ang lahat ng partisipante kabilang na ang kapamilya at kaibigan na magtrabaho bilang volunteer sa pagre-repack at pamamahagi ng relief good sa mga piling barangay halls o evacuation centers sa Marikina na nakatakda isang linggo pagkatapos ng event.

Ang kilalang running coach na si Rio dela Cruz, na residente ng Marikina ang nangunguna sa fund-raising project at running festival na tinaguriang “Time is Running: The 2009 Timex Run with coach Rio dela Cruz and Piolo Pascual", na tatampukan ng 3K, 5K, 10K at 21K races.

Ang registration ay sa Nike Park sa Bonifacio High Street, Timex Shop sa SM North Edsa,at The Trion Towers Site Showroom sa Fort Bonifacio Global City. Para sa ilang detalye, makipag-ugnayan sa secretariat sa 703-1736. Ang pagpapalista ay magtatapos sa Nov. 9 na ang lahok ay limitado sa 5,000.