CEBU, Philippines - Ang team Violet mikulit sa ilang ikaduhang sunod-sunod nga daog pinaagi sa pagpukan sa Blue team, 72-53 sa nagpadayong aksiyon sa Los Amigos Basketball Association (LABA) Inter-color tournament didto sa Banilad Sports Center sa Mandaue City.
Sa laing aksiyon, ang Espina Warriors-Green midaog sab batok sa Ubas-Yellow sa iskor nga 74-66.
Si Edgar Yncierto maoy nangulo sa Espina Warriors nga miburak og 26 puntos, gisundan ni Dodoy Rizane nga adunay 18 puntos.
Ang Ubas team gipangulohan ni team owner Cris Ubas ug Glenn Rustata nga parehong mikutlo og 14 puntos.
Puntos Matag Usa
Espina Warriors (74) - Yncierto 26, Rizane 18, Son 17, Manhilot 4, Bantigue 3, Bercede 2, Espina 2, Awe 2
Ubas Team (66) - Rustata 14, Ubas 14, Adlawan 11, Inocando 6, Danny 4, De Dios 4, Sabal 3, Sebandal 3, Orcullo 2, Ortiz 2, Ranile 2, Cane 1. - Gabby G. Malagar (BANAT NEWS)