UTASSCO ug park 'n go 3-1 na sa power 40

CEBU, Philippines - Nagsawo karon sa liderato ang Park ‘N Go Bakeshop ug UTASSCO Utility human ilang gipukan ang ilang tagsa-tagsa ka kaparang kaniadtong Martes atol sa nagpadayong Power Forty Christmas League basketball tournament didto sa Inayawan Sports complex.

Midaog ang Park ‘N Go batok sa Nelly’s Farm sa iskor, 92-86 ubos sa pagtimon nilang Domie Ozon ug Michael Arias kinsa mihipos og 18 ug 16 puntos atol sa maong kadaogan.

Laing mi-iskor og double figures sa Park ‘N Go mao sila si Sammy Atillo ug Melvin Layon kinsa mihipos og 15 ug 14 puntos matag usa samtang si Peter Lalican midugang og 11 puntos.

Si Carding Vernaiz maoy nangu sa Nelly’s Farm pinaagi sa iyang 28 puntos. Si Gilbert Reyes mihakot og 16 puntos ug si Alex Albaño miamot og 15 puntos.

Sa laing bahin, midaog ang UTASSCO batok sa www.fedguns.ph sa iskor, 112-102.

Mibahug og 34 puntos si Wilbor Cabrera ug si Alex Mercado miposa og 30 puntos alang sa UTASSCO. Ang team owner nga si Atty. Flor Yosores miabuno og 14 puntos samtang si Joey Escalon mi-iskor og 12 puntos.

Ang fedguns gipangulohan ni Nestor Javierto kinsa miburak og 22 puntos samtang parehong may 18 puntos sila si Cogon, Pardo Konsehal Jojo Ibones ug Bobong Rosal.

Puntos matag usa:

Unang duwa:

Park ‘N Go (92)— Ozon 18, Arias 16, Atillo 15, Layon 14, Lalican 11, Rama 8, R.Rama 4, Echavez 4, Tura 2

Nelly’s Farm (86)— Vernaiz 28, Reyes 16, Albaño 15, Lisondra 13, Abalo 6, Moniva 2, Nuñez 2, Sabejon 2, Dejacto 2

Ikaduhang duwa:

UTASSCO (112)— Cabrera 34, Mercado 30, Yosores 14, Escalon 12, Yu 10, Labajo 6, Nacional 4, Pestaño 2

www.fedguns.ph (102)—Javierto 22, Ibones 18, Rosal 18, Cabañero 10, Abadejos 9, Villoga 7, Nacario 6, Abarquez 6, Ramil 6. - Gabby G. Malagar