CEBU, Philippines - Giawhag sa Mabolo Basketball Association (MBA) ang mga koponan dinhi sa Sugbu ug sa mga silingang dapit sa Mandaue, Lapu-Lapu ug Talisay sa pagsalmot sa ilang MBA Christmas Basketball League nga buksan sunod bulan diha sa Mabolo Sports Complex.
Giulohan og "My City Basketball Tournament Christmas Cup 2009", bukas ngadto sa mga college varsity players ug commercial players.
Ang maong torneyo gibahin sa Seniors A Division, Juniors Division, Midget Division, Seniors Division (35 and above) ug Seniors Division (34 and below) nga alang lang sa mga residente sa Mabolo.
Alang niadtong interesadong mosalmot, adunay pagahimuon nga general assembly karong Oktubre 27, 2009 diha sa Mabolo Barangay Hall sa alas-8 sa gabii.
Alang sa dugang mga kasayoran mahimong motawag ni Manny Ruiz sa numero 0927-8427863 o ni Willy Sumayang sa numero 0927-8431607. – BANAT NEWS