CEBU, Philippines - Mao kini ang ikaduhang sunod-sunod nga higayon ni Guardo sa pagdagan og 42-kilometer run human sa full-marathon didto sa Hong Kong.
Lain pang mga sakop sa Guardo Running Team nga mopakita'g aksiyon naglakip sa iyang igsuong nga sila si Jerry ug Jeson Guardo ug Tinago barangay councilor Joel Garganera.
Ang 1st Quezon City International Marathon, usa sa labing daku nga running events nga ipahigayon dinhi sa nasud diin migahin kini P3 milyones nga ganting salapi.
Upat ka race distances ang tigian alang sa QCIM diin si Quezon City Mayor Feliciano 'Sonny' Belmonte Jr. gitudlong Executive Runners Club of the Philippines (Runnex) isip race manager.
Ganting salapi, tropeyo ug gift items ang maangkon sa 42-kilometer full-marathon ug sa 5,10 ug 21 kilometer winners.
Ang kampiyon sa full-marathon sa men ug women's division makadawat og P300,000, ang first runners-up mobulsa og P200,000 matag usa ug P100,000 ang madawat alang sa second runners-up.
Sa laing bahin, ang first placer sa men ug women's half-marathon mobulsa og P30,000 matag usa. Ang second ug third placers makadawat og P20,000 ug P10,000 matag usa.
Ganting salapi, tropeyo ug gift items ang madawat sab sa mga mananaog sa 5K ug 10K races. – BANAT NEWS