CEBU, Philippines - Ang multi-awarded Mandaue Airsoft Group (MAG) moapil og duha ka nasudnong kompetisyon ning bulana.
Una mao ang Airsoft Group National Competition nga gikatakda karong Oktubre 24-25 diha sa Mandaue City reclamation area.
Ang 35-member airsoft group sa Mandaue mopakita sab sa ilang kahawod batok sa mga kampiyon sa Luzon ug Mindanao regions atol unya sa Philippine Airsoft (PAS) National Championships karong Nobiyembre 28-29 didto sa dakbayan sa Danao.
“We look forward with great fervor to these two events because we have been preparing for this,” matud pa ni MAG vice president Rodulfo Ouano Jr.
Ning bag-o, ang MAG nidaog sa kompetisyon nga gipasiugdahan sa Air Soft Federation of Cebu. Nidaog sab sila sa “Durano Air Soft Paltik 4 Cup” niadtong miaging bulan didto sa dakbayan sa Danao.
“The airsoft game in the country is popularized in Cebu, thus, earning it the name of being the “airsoft capital of the country,” matud ni Ouano.
Ang Mandaue Airsoft Group, nga namugna pipila na ka tuig ang nilabay, gipaluyohan sa administrasyon ni Mandaue Mayor Jonas Cortes diin usa sa miyembro niini mao si Mandaue City Administrator Briccio Boholst.
“Our victory is a victory of every Mandauehanon because we bring the name of the city where we are,” matud pa ni Ouano. - PR (BANAT NEWS)