Poveda, Club Gymnastica-Pasig nagningning

MANILA, Philippines - Nagningning ang mga gymnasts ng Poveda Gymnastics Team at Club Gymnastica Pasig sa katatapos na Milo-sponsored Club Gymnastica Friendship meet na ginanap 0sa Pasig City. Mahigit sa 150 ang lumahok sa matagumpay na event na isang pagsisikap ng Milo na makapagbuo ng kampeon.

Sa pagtatapos ng isang araw na kompetisyon, humakot ang Poveda Gymnastics Team ng 5 golds, kasunod ang Club Gymnastica Pasig na may 3 golds at St. Paul College Pasig na may 1 gold.

Binanderahan ni Alyssa Bautista (Level 1 7-8 yrs old), Jakki Rayos del Sol (Level 1, 9 yrs old), Xeina Canlas (Level 1, 10 yrs old), Chelsea Coronel (level 2, 8 yrs old-under), at Michelle Tan-Climaco (Level 2, 9 yrs old above).

Ang Club Gymnastica-Pasig naman ay pinamunuan nina Nia Tamara (Level 1, Division A, 9 yrs old pataas), Rosanna Andrea Nolido (Level 2, Division A), at Eunice Evangelista (Level 4). Kinuha naman ni Esther Nubla ang gold para sa St. Paul College Pasig nang manguna ito sa Level 3 division.

Dinomina ng Club Gymastica Pasig ang team standings nang humakot ito ng 360.20 puntos kasunod ang St. Paul College Pasig na may 355.95 at ikatlo ang Poveda Gymnastica Team na may 351.70 puntos.