CEBU, Philippines - Mosikad na karong adlawa ang gipaabot nga 19th Cebu City Olympics sa alas-2 sa hapon diha sa Cebu City Sports Center.
Ang tinuig nga sports conclave kasagaran kining himuon sa bulan sa Nobiyembre, apan ang kadagkuan sa Department sa Edukasyon mihukom nga himuon kini sa sayong panahon aron ang mga outstanding achievers adunay igong panahon sa pagbaid sa ilang talento aron mo-asenso ang ilang duwa sa sunod tuig nga Palarong Pambansa.
“We already planned about this after we had our post evaluation. It’s our longtime dream to lift our No.4 standing in the Palarong Pambansa. Second place would be fine but it would be better if we could snatch the top post,” said DepEd-Cebu City Division Physical Education in School Sports (PESS) chief Nenita Pardenilla.
Gilaumang motambong karong adlawa sa pagbukas sa kalihukan mao si Cebu City acting Mayor Michael L. Rama, Councilor Gerardo Carillo ug CHED-7 director Dr. Amelita Biglete.
Misuporta sa maong kalihukan ning tuiga mao ang Nature’s Spring, M. Lhuillier Kwarta Padala, Julie’s Bakeshop, Monde Nissin, Psalmstre, Nestle Ice Cream, Energy FM, Creative Weddings, Rogemsoni Company Inc. Cy Designs and Images, Radical Ads ug Yayoy’s Grill and Resto Bar. (BANATNEWS)