CEBU, Philippines - Human sa iyang unang international action, si Beariza Maria Josephine 'Bea' Roble, nagpanikad na sab alang sa laing international competition sa sunod tuig.
Si Roble maoy unang local differently-abled female swimmer ang nakahimo ngadto sa National Paralympic team human mikabkab og duha ka bulawan pinaagi sa 100m freestyle sa oras nga 1:58 ug sa 50m freestyle nga iyang gitapos sud lang sa 54 segundos atol sa 5th Asean Para Games didto sa Putra Stadium sa Bukit Jalil sa Kuala Lumpur sa Malaysia.
Ning bag-o, si Roble napalagpot sa iyang ikaduhang international competition -- ang Asian Youth Para Games didto sa Tokyo, Japan.
Bililhon sab ang gipakitang duwa ni Roble kay nihakot kini og laing duha ka bulawan, apan demalas kay ang iyang entry ulahi na nga naduso hinungdan nga nitapos lang siya bitbit ang participation medals.
Napalambo niya ang iyang oras sa Asean Para Games atol sa iyang pag-apil didto sa Japan nga naghawan sa iyang agianan aron malakip sa Asian Games alang sa differently-abled sa sunod tuig didto sa China.
Gawas pa niana, bairon sab ang talento ni Roble aron mamahimong top-caliber paralympian aron maoy morepresentar sa nasud alang sa World Competition didto sa London unya sa 2012. (Yoyo R. Abayan) BANAT NEWS