Nayre sangko sa 3rd
CEBU, Philippines - Si Glendo Nayre sa University of Cebu (UC) maoy unang magduduwa nga miabante sa ikatulong round sa 18th Erne Jawad Memorial Table Tennis Championships kagahapon sa Elizabeth Mall.
Naangkon ni Nayre ang first round bye ubos sa premiere men's open nga makapasayon sa iyang duwa sa second round.
Gipukan ni Nayre si Joseph Ling sa straight sets, 11-8,11-8, 11-3.
Sa wala pa moharong ni Nayre, si Ling mibira og 11-5, 11-7, 11-6 nga kadaugan batok ni Jerome Yap.
Sa laing bahin, si Michael Motel, kinsa mibiya sa poder sa UC uban sa iyang mga siblings mitapon sa laing tunghaan, mipakita sab sa ilang abilidad ning maong kompetisyon nga gipasiugdahan sa iyang kanhi coach Jessica Jawad-Honoridez.
Ang multi-titled nga si Motel nidaog sa first round match.
Lain pang mga magduduwa, kinsa moduwa sa sunod hugna sa men's open mao sila si Roy Santiago, Jason Rodriguez, Jonathan Jacalan, Jayco Navarro, Jovanni Tomongha, Aldris Villerba, Darbet Tripoli, Edward Godinez, Jed Gica, Daniel Celestino, Glenn Rodriguez, Butch Soriano ug Val Stephen Jaca.
Sa pikas bahin, ang unang unom ka magduduwa nga miabante sa second round naglakip nilang Jennifer Jacalan, Girly Apas, Candy Babalcon, Elona Dane Tormis ug Hannah Arroyo.
Si Jacalan nidaog pinaagi sa default batok ni Joan Tugonon, samtang si Tormis nangayo pa og dugang set una niya mapilde si Glacy Suico, 13-11,8-11,11-8, 11-7. Si Apas mipukan ni Maricris Picson, 11-3, 11-5, 11-9, Babalcon mipulbos ni Lyzel Bayang, 11-5,11-6,12-10, samtang si Arroyo mimakmak ni Diane Ramos, 11-9, 11-4, 11-8.
(Yoyo R. Abayan) BANAT NEWS
- Latest
- Trending
