Jun Selma Airsoft Cup 2009 andam na

CEBU, Philippines - Andam na ang tanan alang sa Jun Selma Airsoft Cup 2009 nga mosikad ugma diha sa Cebu Air Rifle Association (CARA) shooting range nga nahimutang sa Sitio Abuno sa barangay Tunghaan sa Minglanilla.

Ang duha ka adlaw'ng kompetisyon nga gipasiugdahan ni Felix 'Jun' Selma, uban sa   suporta sa CARA, adunay upat ka kategoriya ug kini mao ang metallic animal silhoutte, 10-meter medium bull targets, 10-meter big bull targets ug ang 10-meter novelty.

Ang top eight shooters magsangka sa alas-4:30 sa hapon unya sa Domingo alang sa shoot-off. Inig ka human tigian dayon ang finals.

 Ang kampiyon makadawat og .22 caliber air rifle, ang second player makadawat og 24" police 10-watt flashlight, samtang ang third placer makaangkon og CARA buckle ug keyholders.

Mga freebies ang ripahon atol sa awarding ceremony. – BANAT NEWS