CEBU, Philippines - Gipilde sa Convergys ang defending champion Teletech Titans, 70-66 aron pagposte og 1-0 nga bentaha sa pagsugod sa "best-of-three" finals series sa 1st Inter-BPO basketball tournament diha sa City Sports Club-Cebu gym sa Cebu Business Park.
Miposte og sayes puntos ang Convergys, 17-11 pagsugod luyo sa paningkamot nilang Marc Pajo ug Venerando dela Peña Jr.
Ang two-time champion nga Convergys wala mahutdi og kusog ug ilang namintinar ang tiyempo aron inaton ang labaw ngadto sa 16-puntos sa halftime, 36-20. Ang Convergys nga wala matagbaw, mipalawom og maayo sa ilang labaw ngadto na sa 21 puntos paghuman sa third period, 54-33.
Si Pajo maoy nangulo sa Convergys sa iyang 18 puntos, samtang si de la Peña miabuno og 14 puntos.
Sila si Ryan Paul Abordonado ug Laurenz Limpangog mao sab ang nangulo sa pilderong Teletech nga mitali og 13 puntos matag usa.
Puntos Matag Usa
Convergys (70) – Pajo 18, Dela Peña 14, Tapic 7, Codilla 5, Contreras 5, Esteban 5, Sugatan 5, Villarin 4, Corbet 3, Mabanto 2, Sarmiento 2
Teletech (66) – Abordonado 13, Limpangog 13, Abellanosa 11, Banua 10, Cabahig 6, Sultan 6, Clemente 5, Biaño 2. – BANAT NEWS