World Cup of Pool Bata, Django miilog balik sa titulo

CEBU, Philippines - Milampos ang garbo sa Pilipinas nga sila si Efren 'Bata' Reyes ug Francisco 'Django' Bustamante pagpukan sa bisitang   Ralf Souquet ug Thorsten Hohmann aron masakmit ang PartyCasino.net World Cup of Pool title atubangan mismo sa kadugong Pinoy niadtong miaging gabii didto sa SM North Edsa Mall sa Quezon City.

 Ang duha ka mga Pinoy pool legends, nabiyaan og dos puntos, 7-9 sa duwa, apan nakarekober human nila maharos ang katapusang upat ka racks alang sa ilang 11-9 nga kadaugan.

Sila si Reyes ug Bustamante, kinsa mao usab ang 2006 Cup of Pool champion, nagkanayon nga dili sayon ang ilang giagian aron malangkat ang titulo sa maong kalibotanong kompetisyon nga gisalmotan sa 32 ka mga koponan gikan sa 31 ka nasud.

Nakasulod sa finals sila si Reyes ug Bustamante human nila gipalagpot ang tandem nila ni Li Hewen ug Fu Jianbo sa China, 9-8 sa semifinals race-to-9.

Wala sab mabuligi og maayong kapalaran ang tandem nila ni Ronnie Alcano ug Dennis Orcullo dihang gipalayas sila nilang Souquet ug Hohmann sa iskor nga 9-6 sa semifinals.

Sila si Reyes ug Bustamante mibulsa og $60,000 (P250,000) sa maong kadaugan, samtang sila si Souquet ug Hohmann nakaangkon og $30.000.

2009 CESAFI

UV Lancers mipakaging sa SWU Cobras

MGA DUWA KARON

(Cebu Coliseum)

4:30 pm

USPF vs. CIT (Jrs.)

6:00 pm

USC vs. SWU (Srs.)   (BANAT NEWS)