Bruce Bowen nangluod, moretiro na sa NBA

CEBU, Philippines - Human gilabay sa San Antonio Spurs ngadto sa Milwaukee Bucks, ang beteranong forward nga si Bruce Bowen nakahukom niadtong Huwebes nga moretiro ug dili na mopadayon og duwa alang sa 2009-2010 season sa National Basketball Association (NBA).

Ang 12-year veteran

nga si Bowen, kinsa nahimong all-defensive first team sa makalima ka higayon nahimong usa sa mga

haligi sa Spurs pinaagi sa iyang ngilngig nga depensa ug sa kahait sa iyang three-point shooting.

Sa walo ka tuig niya  sa San Antonio, ang 38-anyos nga si Bowen nakaangkon  og tulo ka titulo uban nila  ni Tim Duncan, Tony Parker, Manu Ginobili ug Robert Horry, kinsa una nang  niretiro niadtong miaging tuig.

Usa sa mga rason sa kalit nga pagretiro ni Bowen mao ang pag-trade niya gikan sa San Antonio ngadto sa Milwaukee uban sa sentro nga si Fabricio Oberto bugti ni Richard Jefferson. - Lemuel P. Maglinte (BANAT NEWS)