Karong Domingo Canduman Fiesta Run

CEBU, Philippines - Gatosan ka mga runners ang maglumba ugma sa ikaduhang edisyon sa Canduman Fiesta Run sa dakbayan sa Mandaue.

Ang lumba manukad diha sa Upper Canduman ug tapuson sa atubangan sa Nativity of Mary Parish, sa barangay Canduman sa maong dakbayan.

Gibahin kini ngadto sa tulo ka dibisyon -- ang 3K ug 5K alang sa Inter-Barangay ug 10K Open.

Ang makampiyon sa 10K Open makadawat og P3,000, ang second placer makaangkon og P2,000, samtang ang third placer mobulsa og 1,000.

Niadtong indibidwal, kinsa buot mosalmot,

mahimong   magparehistro didto sa Canduman Barangay Hall o sa Cebu City Sports Center.

Aduna kini registration fee nga P150.

Ang maong lumba nga ipahinungod alang sa kapistahan sa ilang mahal nga Patron -- Nativity of Mary karong Septiyembre 8, gipasiugdahan ni Dodong Alcosero, presidente sa North Road Runners Club uban sa suporta ni Canduman barangay captain Leo C. Jabas. - Lemuel P. Maglinte (BANAT NEWS)