MANILA, Philippines - Pinangunahan nina veteran internationalist Paolo Valdez at Tyrone Ongpauco ang isa pang malaking batch ng pintopplers na nagningning sa huling second qualifying period upang makausad sa national finals ng 2009 Bowling World Cup.
Nagtala si Valdez, naghahangad makabalik sa international finals, ng 12 game series na 2920 habang nagpagulong naman si Ongpauco ng 2686 para magaang makapasok sa finals na nakatakda sa Sept. 12-13 sa Coronado Lanes sa Sept.15-16 sa Mall of Asia at sa September 18 sa Paeng’s Eastwood.
Sasabak sina Valdez, Ongpauco at 62 pang iba kabilang ang 22 lady bowlers sa national finals kasama ang mga top finishers sa unang center finals ng torneo na inorganisa ng Puyat Sports at co-sponsored ng Amway at Nutrilite.
Ang men’s at ladies champions ay ang kakatawan ng bansa sa international finals sa Nov. 14-21 sa 52-lane Melaka International Bowling Center sa Malaysia.