Arthro, Maglev mibogbog sa ilang kontra sa Atan Guardo Cup

CEBU, Philippines - Gibogbog sa Arthro '88 ug Maglev '90 ang tagsa-tagsa nila ka kaatbang sa 2009 sa University of San Carlos Boys High Alumni Basketball Association (USCBHABA) Atan Guardo Barkadahan Cup Second Conference diha sa USC North campus gym.

Ang sentrong si Dindo Sausa mipabuto sa iyang season-high 35 puntos ug si Bonito Zanoria mihirit og 22 puntos alang sa Arthro, kinsa miunay og pilde sa ilang igsuong koponan Eyeberry '86 sa iskor nga 95-83, samtang ang Maglev yano kaayong milubong sa Dominique Pharma '82 sa iskor nga 77-58.

Ang Arthro wala na molingi pa sa Eyeberry human miposte og 23-15 sa unang kuwarter. Hinuon, ang Eyeberry nakahigayon paglaslas sa labaw ngadto na lang sa dos puntos paghuman sa third period, 65-67. Apan ang Arthro daling nakabawi pinaagi sa ilang init nga opensiba nga nakapainat og balik sa ilang labaw.

Sa sayo pa, ang Maglev walay tihik-tihik nga mitusak og mga puntos aron pagposte og 13 puntos nga bentaha sa first period sa iskor nga 24-11. Mitubo pa og maayo ang labaw ngadto sa 22 puntos, 47-25 sa wala pa nila palawmi ang lubong ngadto sa 27 puntos sa iskor nga 65-38 paingon na sa final period.

PUNTOS MATAG USA

Unang duwa:

Maglev (77) - Lim 22, Go 10, Lawas 9, Wong 8, Sievert 8, Uytiepo 2, Tio 2, Quioco 2

Dominique Pharma (58) - Diaz 18, Alfeche 16, Belocura 11, Manatad 10, Balankig 2, Honorio 1

 Ikaduhang duwa:

Arthro (95) - Sausa 35, Zanoria 22, Lim 15, Odulio 9, Yu 9, Monterroyo 4, Pagapulaan 2

Eyeberry (83) - Cenabre 19, Mata 18, Amores 12, Villamor 8, Monsanto 6, Belicario 6, Catubig 5, Congson 4, Matugas 3, Gandiongco 2 (Yoyo R. Abayan) (BANAT NEWS)