Kidneycare, Eyeberry kulit daog sa Guardo Cup

CEBU, Philippines - Gilampurnas sa Kidneycare '87 ug Eyeberry '86 ang tagsa-tagsa nila ka kaatbang sa nagpadayong aksiyon sa University of San Carlos Boys High Alumni Basketball Association (USCBHABA) Atan Guardo Barkadahan Cup Second Conference diha sa USC-North campus gym.

Ang Kidneycare mipauwan og mga puntos sa nanghinapos nga bahin sa duwa aron lumsan ang Batch '89 sa iskor nga 81-74, samtang ang Eyeberry nagsalig sa 31 puntos nga gipabuto ni Arturo Pepito Mata aron pagpulbos sa B-Meg , 81-71.

Nabitay ang Kidneycare sa hapit kinatibuk-ang duwa lakip na ang nuybe puntos nga biya sa ikatulong kuwarter sa iskor nga 52-61, apan nakarekober pinaagi sa paglusad og 29-13 nga rally aron pagtumba sa Batch '89.

Sa pikas bahin, ang Eyeberry nabiyaan og sayes puntos paghuman sa unang-duha ka kuwarter sa iskor nga 29-35, apan miulbo ang kainit sa ikatulong kuwarter aron ilogon ang labaw, 49-46 ug wala na kini molingi pa sa naghangak nga B-Meg sukad niadto.

Puntos Matag Usa

Unang duwa:

Kidneycare (81) - Adolfo 21, Catapusan 17, Lepiten 13, Demecillo 9, Simene 8, De los Cientos 6, Tabares 3, Bajarias 2, Cañete 2

Batch '89 (74) - Garcia 26, Reyes 16, Salinas 15, Ordono 13, Beron 4

Ikaduhang duwa:

Eyeberry (71) - Mata 31, Amores 13, Romarate 10, Cenabre 6, Catubig 4, Monsanto 3, Romero 2

B-Meg (61) - De la Cruz 10, Lee 10, Gerali 8, Toledo 5, Sanico 4, Lim 3, Aguhar 2. –BANAT NEWS