Yaw-Yan ArDigma magsaulog sa ilang 37th founding anniversary

CEBU, Philippines - Sa makausa pa, ang Yaw-Yan ArDigma Martial Arts Federation, Inc. magsaulog sa ilang 37th founding anniversary karong Agosto 23 diha sa ENCE Pension House sa Sikatuna St., ning siyudad.

Si Gene Lastimado, kanhi presidente sa Yaw-Yan ArDigma batch 1994-2003 maoy pinasidunggang dinapit ug mamumulong sa maong kalihukan nga usa ka nasudnong selebrasyon sa Philippine Yaw-Yan Martial Arts.

Ang Yaw-Yan unang gipaila niadtong 1972 didto sa Sta. Cruz Manila ni Grand Master Napoleon 'Nap' Fernandez, ang originator sa Yaw-Yan.

Ang selebrasyon sugdan sa alas-3 sa hapon pinaagi sa Santos nga Misa. Isunod ang kalihukan sa traditional baptismal rites, mga programa ug nagkalain-laing demonstrations.

Ang Yaw-Yan ArDigma gidumala ni Master Benigno 'Ekin' R. Caniga Jr., ang founder sa Yaw-Yan ArDigma. – BANAT NEWS