Green K2S kampiyon sa SFAA caging

CEBU, Philippines - Gibuntog sa Green K2S nga gipangulohan ni Nestor Kyamko ang league-leader Yellow-Master Drug, 100-88 aron pagsakmit sa korona sa Still Fighting Athletic Association (SFAA) Inter-Color basketball tournament didto sa CEC open court.

Sa sayo pa, ang Black team midaog batok sa White-Sunpride Sunny Hotdog sa iskor nga 80-73 aron sa pagpahimutang sa ikatulong dapit.

Ang Green ubos sa pagpangulo nilang Ricky Misa ug Jun Seno miposte og nuybe puntos nga bentaha, 29-20. Ang Yellow mi-rally sa second period aron pagkitkit sa labaw sa halftime, 40-43, apan si Ric Dayondon kalit nga nanginit aron inaton og balik ang labaw, 74-63 paghuman sa ikatulong kuwarter.

 Si Misa, kinsa maoy nidaog sa MVP trophy, maoy nangulo sa Green sa iyang 32 puntos, gisundan ni Seno nga adunay 27 puntos, samtang si Dayondon miabuno og 15 puntos.

Si Michael Sumayang mirehistro og tournament-record ug career high 50 puntos alang sa Yellow, samtang sila si Fred Espina ug Teloy Abanes miambit og 10 puntos matag usa.

 Sa laing bahin, ang Black gipangulohan ni Jun Ando pinaagi sa iyang 22 puntos ug si Tony Piloton midugang og 14 puntos.

Sila si Edwin Castron ug Tata Detuya parehong mi-iskor og 19 puntos aron pangulohan ang White.

Puntos Matag Usa

Unang duwa:

Black (80) - Ando 22, Piloton 14, Sison 12, Bejaresco 10, Sialana 6, Casquejo 6, Elizondo 4, Tesorero 2, Ponseca 2, Gelig 2

White (73) - Castro 19, Detuya 19, Batad 11, Torreon 10, Garcia 6, Y. Bongon 3, Limatog 3, J. Bongon 2
Ikaduhang duwa:

Green (100) - Misa 32, Seno 27, Dayondon 15, Tan 8, Ocampo 6, Kyamko 4, Lampraa 4, Lumayag 2, Juablar 2

Yellow (88) - Sumayang 50, Espina 10, Abanes 10, L. Ladonga 4, R. Ladonga 4, Gorrero 4, Sagayno 2, Padillo 2, A. Ladonga 2. – BANAT NEWS