Maroon sud sa finals

CEBU, Philippines - Miabante na sa finals ang Maroon team dihang ilang gipalayas ang Yellow team, 85-76 sa Holy Family Basketball Club diha sa Wilfredo Cabalse gym sa barangay Mabolo, ning siyudad.

Si Frans Lepiten mi-iskor og 28 puntos, samtang si Amel Roy mitira og 20 alang sa Maroon.

Nagtabla ang duha paghuman sa unang kuwarter, 22-all, apan ang Maroon miarangkada sa ikaduhang kuwarter ug ilang gitapos ang halftime sa iskor nga 42-39.

Giinat sa Maroon ang ilang labaw ngadto sa siyete puntos, 69-62 dayon entra sa final period.

Ang managsuong Mackie ug Neil Jhon Diola maoy nangulo sa pilderong Yellow nga nagkumboya og 40 puntos.

PUNTOS MATAG USA

MAROON (85) - Lepiten 28, Roy 20, Ompok 18, Cabrijas 11, Ortiz 2, Cortez 2

YELLOW (76) - M. Diola 23, N. Diola 17, Mar Diola 14, A. Melitante 9, A. Diola 6, Maramara 4, R. Melitante 2, Dexter 2, Opolentisima 2 (BANAT NEWS)