Red mipakaging sa Yellow sa HSBC caging
CEBU, Philippines - Gipakaging sa Red team ang Yellow team, 93-87 sa ilang engkuwentro sa semifinals sa Holy Family Basketball Club (HSBC) League niadtong miaging adlaw diha sa Wilfredo Cabalse gym sa Brgy. Mabolo, ning siyudad.
Si Paulo Migallos maoy topscorer sa Red nga mipabuto og 22 puntos, gisundan ni Ondoy Armecin, kinsa miposa og 16 puntos lakip na ang duha ka three-point shots sa second period nga maoy mihatag sa ilang koponan og 10 puntos nga bentaha sa halftime, 49-39.
Sa laing bahin, ang forward nga si Kevin Campilan mibugha og 30 puntos ug si Mariano Diola mipabuto og 29 puntos alang sa Yellow team, apan dili igo ang ilang paningkamot aron masakmit ang daog.
Ang maong torneyo nga gipasiugdahan nila ni Jovie Lepiten, Thong Abelarde ug Emman Boples, gisuportahan ni Hon. Brgy. Councilor Efren Sanico, kinsa mao sab ang Chairman sa Committee on Sports sa maong barangay.
Puntos matag usa
Red (93) – Migallos 22, Armecin 16, Rioa 12, Mayol 12, Donaldo 12, Jarpin 12, Ortiz 4, Borces 3
Yellow (87) – Campilan 30, Mar.Diola 29, Polentizim 15, Melitante 10, Ma.Diola 3 (BANAT NEWS)
- Latest
- Trending
