Burger king misalig ni Aguilar
CEBU, Philippines - Masaligon si Lito Alvarez, manager ug representative sa Burger King nga mahatagan na og katumanan ang ilang pangandoy nga makakuha og kampiyonato sa PBA human nila gibira ang 6-foot-9 nga si Japeth Aguilar isip first over-all pick sa gipahigayung 2009 Rookie Draft kagahapon didto sa Market! Market! Mall, Taguig.
Gawas ni Aguilar, gikuha usab sa Whoopers ang serbisyo nila ni Chris Ross sa No.3 ug Ronnie Matias sa No.8 pick sa first round.
"I think this will hasten our chance to win an all-Filipino title. All I want is to win an all-Filipino championship. The team we have now should get the job done for us," matud pa ni Burger King coach Yeng Guiao.
Si Rico Maierhofer maoy second pick sa Purefoods, gibuhian usab sa Coca Cola si Buenafe ngadto sa Whoopers bugti ni Marvin Cruz uban sa duha ka second round draft pick, diin ang Tigers nikuha nila ni Francis Allera ug Ramsey Walsham.
Ang Barako Bull nibira nila ni Ogie Menor (No.6), Benedict (No.11), ug Edwin Asoro (No.12).
Ang kanhi UAAP MVP nga si Jervy Cruz napunta sa Rain or Shine isip fourth pick, Michael Burtscher sa Alaska sa No.5, Chris Timberlake sa Ginebra alang sa No.7 ug James Sena isip ninth pick sa San Miguel.
Sa second round picks, sila si Mark Lester Benitez (No. 11 overall by SLR), Sean Co (No. 16 by Alaska), Charles Waters (No. 17 by SLR), Orlando Daroya (No. 18 by Ginebra) ug Kevin White (No. 19 by TnT). - Lemuel P. Maglinte (BANAT NEWS)
- Latest
- Trending
