CEBU, Philippines - Nagkinahanglan pa og extra nga singko minutos ang University of Southern Philippines-Foundation (USPF) Panthers aron mukulit sa labing una nilang daog batok sa Don-Bosco Technology Center (DBTC) Greywolves, 88-83 sa 9th season sa Cebu Schools Athletic Foundation, Inc. (CESAFI) didto sa Cebu Coliseum.
Sa secondary game, ang defending champion UC Junior Webmasters nilampos pagpukan sa University of San Carlos (USC) baby Warriors. 95-86, samtang ang UV Baby Lancers milubong sa DBTC Junior Grey Wolves sa iskor nga 95-61.
Nanimaho nang daog ang Panthers sa nahibiling 12.6 segundos sa duwa, 78-75, apan gipasulod ni Alain delos Santos ang iyang three-point shot sa nahibiling sayes segundos nga maoy nihatud sa duwa ngadto sa overtime.
Ang duha ka koponan naggubat sa free-throw area human sila pulos nakaangkon og penalty, ang Panthers nipasulod sa ilang duha ka free-throw aron ihatag ang 87-80 nga labaw sa katapusang 21.6 segundos.
Tungod sa maong kadaugan ang Panthers niuban karon sa University of San Jose Recoletos (USJ-R) Jaguars kinsa nidaog batok sa USC Warriors, 67-667 niadtong miaging Sabado.
Si Demo Filoteo niposte og 21 puntos aron pangulohan ang Panthers, samtang si Ellison Rivea midiga og 13 puntos ug si Dajalos midunol og 11 puntos.
Ang pilderong Greywolves gipangulohan ni Celso Colegado sa iyang 27 puntos, gisundan ni Delos Santos nga mipusa og 17 puntos. Sila si Jefford Aldave, John Mark Castro ug Joey Lucky Juntilla midunol og 10 puntos matag usa.
Puntos matag usa:
USPF (88)— Filoteo 27, Rivera 13, Dajalos 11, Avila 9, Fuentes 8, Tinoy 6, Durano 5, Linao 3, Ferraren 2, Sedurifa 2, Bardilas 1
DBTC (83)— Colegado 29, Delos Santos 17, Castro 10, Juntilla 10, Aldave 10, Cabrilles 8, Guba 2, Georsua 2. – BANAT NEWS