Nadaog nila ni Sharon Angel sa University of San Carlos (USC) ug Mary Catherine

CEBU, Philippines - Codilla sa University of San Jose-Recoletos (USJ-R) ang Miss CESAFI 2009 titles sa college ug high school division atol sa bongga ug mabulokon nga opening ceremony sa 9th season sa Cebu Schools Athletic Foundation Inc. (CESAFI) basketball event kagahapon diha sa Cebu Coliseum.

Dili kini una sa 18-anyos nga si Angel nga midaog og titulo. Nasayran, si Angel nidaog sa Miss CESAFI 2005 atol sa iyang high school days isip representante sa University of San Jose-Recoletos (USJ-R).

Nidaog sab siya sa Miss Milo Little Olympics ug sa Miss Teen Philippines 2007 atol sa regional eliminations ug naapil sa top ten atol sa national finals.

Si Angel mao sab ang model sa AD Models ni Dexter Alazas.

Si Karina Nikko Godijo sa Velez College (VC) ug Jesubell Ann Retardo sa University of the Visayas (UV) maoy miangkon sa first ug second runner-ups.

Sa laing bahin, si Mary Catherine Codilla sa University of San Jose-Recoletos (USJ-R) maoy nidaog sa korona niining tuiga.

Si Krystel Rose Tavera sa Sacred Heart School-Jesuits (SHS-J) maoy first runner-up, samtang si Leah Rejette Bende sa University of Southern Philippines Foundation (USPF) maoy second runner-up. (Yoyo R. Abayan)   (BANAT NEWS)