Bitor, Malaki daog sa 6th Thirsty

CEBU, Philippines - Badminton Cup Miposte og daog sila si Christian Bitor ug Edison Malaki sa 6th Thirsty Badminton Cup niadtong miaging adlaw sa 6th Thirsty Badminton Cup dinha sa MetroSports Center , Brgy. Lahug, ning syudad.

Nipatigbabaw sila si Bitor ug Malaki batok nila ni Jed Sumalinog ug EJ Arquillano aron masakmit ang titulo sa men’s doubles Class B/C. Nidaog pag-usab si Sumalinog dihang nakig-team up siya ni Janelle Dihiasan aron pildehon sila si Ebenezer Quiozl ug Carlyn Cardoza sa Class B/C mixed doubles.

Sa laing bahin, nikulit usab og daog sila si Glenn Cuenca ug Milton Uy dihang ilang gipukan sila si Rolly Cosido ug Giovanni Gacayan sa Class D, samtang si Aster Mirantos ug Aljo Patalinghug maoy mananaug sa Class E ug Arthur Flortes ug Emmanuel Neric maoy nangharus sa Class F.

Wala kaugpo ang team-up nila ni Trisha ug Lalaine Arriesgado batok sa team-up nila Yerha Silawan ug Loverly Magallano alang sa women’s doubles ClassE, samtang si Rosal Estremos ug Daina Balungcas mipapha nila ni Merjorie Lagat ug Janice Gotiong aron sakmiton ang kampiyonato sa Class D.

Mokumpleto sa lista sa mananaug mao sila si Miyuki Abe ug Archie Tampus sa mixed doubles Class E, Bernadette Dagondon ug Arthur Flores sa Class F ug Diana Balungcas ug Roldan Andojan sa Class D. - Lemuel P. Maglinte (BANAT NEWS)