Portofino Beach Resorts mo-host sa 3rd leg sa OZ Racing Grand Prix

CEBU, Philippines - Sa labing unang higayon, ang OZ Racing Grand Prix Series Underbone Racing Circuit anha ipahigayon sa baybayon sa Portofino Beach Resorts sa barangay Anghasal sa dakbayan sa Lapu-Lapu.

"It’s long been my plan to hold a race here at Portofino because I often come here to relax and unwind. The place is very conducive for a racetrack,” matud pa ni OZ Racing president Zandro Fajardo atol sa press conference kagahapon diha sa Portofino.

Mao kini ang ikatulong leg sa Oz Racing Grand Prix Series. Ang unang-duha ka series diha gipahigayon sa Parkmall sa north reclamation area.

Mga kategoriya nga tigian mao ang beginners, superstock, automatic mix, novice open ug ang premiere expert open.

Mihatag sab sa iyang dakung suporta si Manny Zamora, ang tag-iya sa Portofino niining duha ka adlaw nga kompetisyon.

 "I support this event because before I was also into sports. I’m a fellow sportsman. We also want the public to know about Portofino,” matud pa ni Zamora.

Si OZ Racing marketing director Chad Mascariñas nagkanayon nga gilauman nila nga daghang mosalmot tungod sa bag-ong kategoriya nga gidugang nga mao ang First Timers. Ang First Timers bukas sa tanan niadtong wala pa makasuway ug makaapil og lumba sa motorsiklo.

Karong adlawa mao ang registration ug himuon sab ang qualifying practice. Ug sa Domingo mao na ang race proper diin si Mactan barangay captain Paz C. Radaza mosaksi sa maong kalihukan nga libre sa tanan. – BANAT NEWS