Mr. Perfect Body 2009 himuon karon sa Gaisano Foodsquare

CEBU, Philippines - Napulo’g tulo (13) ka mga Fitness Gym dinhi sa Sugbu ang mosalmot sa Mr. Perfect Body 2009 karong ala-1 sa hapon diha sa Gaisano Main Foodsquare.

Lakip sa mga mosalmot mao ang mga bodybuilders gikan sa Tarzier Fitness Gym, Xtreme Fitness Gym, Junas Fitness Gym, Body Fitness Gym, Muscle Blast, DX3X Fitness Gym, Abelgas Gym, D’ Perfect Body Club, Holiday Gym and Spa, Metro Sports, Body Rising Gym, Sure Shocker Gym ug Fitness First.

Ganting salapi, tropeyo ug gift packs gikan sa mga sponsors ang nagpaabot sa nag-unang tulo ka mga mananaog.

Ang kampiyon makadawat og P5,000, ang second placer makadawat og P3,000, samtang ang third placer makaangkon og P2,000.

Ang non-winners makadawat sab og gift packs ug gift certificates gikan ni Rose Gaisano sa Gaisano Main ug sa Gaisano Country Mall.

 Laing nagpaluyo ning maong kompetisyon mao ang YKG Industrial Sales, Dumalig Printers, Agua Air ug si Dr. Vicente de la Peña. – BANAT NEWS