Kap-Gawad milubong sa Tecyalib sa BAR caging

CEBU, Philippines – Padayong miarangkada ang Kap-Gawad ug ilang gilat-an ang Tecyalib, 104-85 aron paglansang sa ilang ikaupat nga sunod-sunod nga daog sa Basketball Association of Ramos (BAR) didto sa Benjamin Solon Memorial Gym sa Cogon Ramos.

Si Erick Camota maoy topscorer sa Kap-Gawad nga mibahog og iyang 34 puntos, gisundan ni Lemark Alcover nga miposa og 16 puntos ug Bobby Ortega nga adunay 13 puntos.

Si Ritchi Tecson miposte og 18 puntos aron pangulohan ang pilderong Tecyalib, samtang si Michael Libre mitira og 18 puntos ug si Raul Miyano miamot og 16 puntos.

Ang Kap-Gawad mipaigo sa ilang mga tira sa sulod sa pagpangulo ni Camota, kinsa nakatigom og 15 puntos sa first half aron hatagan og 12 puntos nga labaw ang iyang koponan, 53-41.

Ang Kap-Gawad milusad og 30-14 nga rally sa third period ug niining higayona ubos sa paggiya nila ni Alcover ug Reynaldo Zamora, kinsa nagkumboya og 21 puntos aron inaton ang labaw ngadto sa 28 puntos, 83-55, padulong na ngadto sa final period.

Puntos Matag Usa

Kap-Gawad (104) - Er. Camota 34, Alcover 16, Ortega 13, Zamora 12, Ed. Camota 9, Sabay 7, Sabornido 4, Pada 4, Membrano 4, Godiz 2

Tecyalib (85) – Tecson 19, Libre 18, Miyano 16, Yares 10, Paquibot 7, Labandiro 6, Piñas 6, Limpangog 3