Black, Yellow miabante sa semis

CEBU, Philippines – Gilubong sa Black team nga gipaluyohan sa AC Sports ang Green K2S team ni Nestor Kyamko sa iskor, 80-59 niadtong Domingo aron maangkon ang ikaupat nga luna sa semifinals sa nagpadayong Still Fighting Athletics Basketball Association (SFAA) 2009 First Conference Inter-color basketball tournament didto sa CEC gym.

Sa sayo pa, ang mas paboritong Yellow-Master Drug mikusokuso sab sa Maroon-Roger Morri sa iskor nga 88-69.

Ang Black, kinsa mitapos sa elimination round bitbit ang 6-4 nga baraha, maoy milangkat sa katapusang luna sa semifinals uban sa Yellow, Green ug White.

Ang Green miabante og 11 puntos sa final period, apan ang Black mihimo og 26-4 nga rally aron ilugon ang labaw lahos na ngadto pagkulit og daog.

Sa laing bahin, ang consistent scorer sa Yellow nga si Michael Sumayang miburak og 36 puntos lakip ang walo ka three-pointers aron pangulohan ang iyang team, samtang si Teloy Abanes miposa og 24 puntos.

Puntos Matag Usa

Unang duwa:

Yellow (88) - Sumayang 36, Abanes 24, A. Ladonga 7, Sagayno 6, Espina 4, Gorrero 4, C. Ladonga 3, Lasque 2, Kilaton 2
Maroon (69) - Ceballos 14, Nalayog 14, Godinez 11, Tonion 9, Taboada 8, Ceniza 6, Kue 5, Padin 2

Ikaduhang duwa:

Black (80) - Ando 17, Piloton 16, Baba 10, Sison 10, Godinez 10, Casquejo 6, Silana 4, Fernandez 4, Elizondo 2, Bejaresco 2 Green (59) - Dayondon 17, Misa 15, Seno 12, Kyamko 5, Juablar 2, Lumayag 2, Estrada 2, Tan 2, Bascon 2 – BANAT NEWS