White kampiyon sa Noli Perez Cup

CEBU, Philippines – Ang White team mipukan sa Red team, 67-56, aron sakmiton ang kampiyonato sa Thursday Club’s Noli Perez Cup 35-above basketball tournament didto sa Brgy. Jugan, Consolacion.

Si Brix Secretaria ug si 3-point king Alfon Pepito nagkumboya og 39 puntos alang sa White, kinsa naglabaw og uno punto sa first period, 11-10.

Misuway og gukod ang Red team sa second quarter, apan napakyas kini kay ang White team milusad og rally aron inaton ang labaw ngadto sa sayes puntos, 48-42 sa third quarter.

Ang White team gipangulohan ni Secretaria sa iyang 20, samtang si Pepito nga adunay 19 puntos.

Ang MVP nga si Ruben Gasal mao sab ang nangulo sa naparot nga Red team pinaagi sa iyang 24 puntos, gisundan ni Dopre Lahay, kinsa mikati og 15 puntos.

Ang liga nga gipasiugdahan nila ni Dado Ygot ug Boboy Pepito gipahinungod sa nitaliwan nga player sa White team nga si Noli Perez.

Miabag usab ang Jugan barangay council ubos sa liderato ni Brgy. Capt Gielzchel Dada ug mga konsehales nga sila si Tony Pepito, Josie Cabahug ug Jaime Pilapil.

Puntos Matag Usa

White (67) - Secretaria 20, A. Pepito 19, Sasing 8, Cabahug 6, Herrera 6, Pepito 3, Valle 3, Molina 2

Red (56) - Gasal 24, Dopre 15, Eco 6, Ygot 4, Dumadag 2, Borces 2, Junwell 2, Ganud 1 – BANAT NEWS