Migallos bayani sa Red

CEBU, Philippines – Giluwas ni Paulo Migallos ang Red team gikan sa mga kamot sa Maroon pinaagi sa iyang duha ka free throws sa katapusang tres segundos sa overtime, 108-106 sa 1st Inter-Color Holy Family Basketball Club (HFBC) League didto sa Wilfredo Cabase Sports Complex sa barangay Mabolo, ning siyudad.

Si Migallos maoy nangulo sa Red team uban ni Junlyn Hilaria nga miposa og 18 puntos matag usa.

Nakawang lang ang 38 puntos nga nahipos ni Ace Ompok kay nasipyat ang iyang mahinungdanong jumpshot sa nahabiling 1.6 segundo nga mao unta ang makapadaog kanila.

Si France Lepiten miabuno og 13 puntos ug si Arnel Roy mitunol og 12 puntos alang sa pilderong Maroon team.

Ang maong torneyo gipasiugdahan nila ni Marvin Yap ug Ryan Militante uban sa suporta ni Hon. Brgy councilor Efren Sanico, kinsa mao usab ang chairman sa Committee on Sports sa barangay Mabolo.

Puntos Matag Usa

Red (108) - Migallos 18, Hilaria 18, Armecin 16, Mayol 13, Montera 10, Donaldo 9, Roa 6, Borgonia 5, Malo 4, Ortiz 3, Bensi 2

Maroon (106) – Ompok 38, Lepiten 13, Roy 12, Cabrehas 10, Fontanera 9, Cortes 8, Tugao 7, Dalo 6, Militante 2 – BANAT NEWS