Fedguns kampiyon sa Power 40 President's Cup
CEBU, Philippines – Gimasaker sa wwwfedguns.ph ang Park ‘N Go Bakeshop sa iskor nga 69-64 aron sakmiton ang korona sa Power Forty President’s Cup Summer League niadtong miaging gabii didto sa Inayawan Sports Complex, ning siyudad.
Sa sayo pa, ang UTASSCO Utility mipukan sa Nelly's Farm sa iskor nga 67-64 aron sa pagsakmit sa ikatulong dapit.
Ang fedguns gipangulohan ni Nestor Javierto, kinsa mipabuto og 13 puntos.
Sila si Bong Rosal ug Edgar Nacario mirehistro sab og double figures alang sa fedguns. Si Rosal miamot og 11 puntos, samtang si Nacario mitampo og 10 puntos.
Ang Park ‘N Go gipangulohan nila ni Marvy Echavez ug Melvin Layon nga nagkumboya og 27 puntos. Si Echavez mihaon og 14 puntos, samtang si Layon misansan og 13 puntos ug si Loloy Dejarme mitimang og 11 puntos.
Sa laing bahin, si Alex Mercado miburak og 22 puntos ug si Wilbor Cabrera miposa og 19 puntos alang sa UTASSCO.
Ang Nelly's Farm gipangulohan ni Carding Vernaiz, kinsa mibugwal og 32 puntos.
Puntos Matag Usa
Unang duwa:
(For third place)
UTASSCO (67) - Mercado 22, Cabrera 19, Labajo 10, Nacional 10, Traya 4, Yu 2
Nelly’s Farm (64) - Vernaiz 32, Reyes 11, Gabuya 8, Colinares 7, Nuñez 4
Ikaduhang duwa:
(Championship)
www.fedguns.ph (69) - Javierto 13, Rosal 11, Nacario 10, Mabalcon 6, Villoga 6, Rabadon 6, Abadejos 5, Cabañero 3, Ramil 3, Lobones 2
Park ‘N Go (64) - Echavez 14, Layon 13, Dekarme 11, Arias 9, Ozon 9, Balbanera 4, Tura 2, Rama 2 – BANAT NEWS
- Latest
- Trending
