CEBU, Philippines – Mga piniling bitoon sa F. Llamas Youth Association (FYA) ang mag-abot karong gabii alang sa tinuig nga FYA All-Star Game diha sa Vicente Sotto Memorial Gym sa barangay Punta Princesa, ning siyudad.
Mga dekalibreng players gikan sa 10 ka teams nga misalmot sa nagpadayong FYA 1st Vice Mayor Mike Rama Cup ang gikuha alang sa maong katuyoan ug gibahin kini ngadto sa duha ka grupo -- ang Dark All-Star ug ang Light All-Star.
Ang Dark team langkuban nila ni Junbel Llegunas, Mark Enriquez ug Ryan Villaver sa Orillaville, Chissar Llegunas, Paul Basalo ug Dexter Caballero sa Rollyr Boyz, Rovel Tabar, Wako Dacayana ug Dondon Cadungog sa Grandeur, Bern Ylanan, Wendell Rollon ug Clark del Mar sa Jayra ug Carl Rama, Rocky Bas ug Kevin Camacho sa Park ‘N Go Bakeshop. Ang ilang coach mao si Tristan Rama.
Ang Light team nga pagatimonan ni coach Victor Avila gilangkuban nilang Ranel Patalita, Kenneth Marqueda ug Jokjok Canceko sa Kuya Allan, Adrian Laborte, Danding Almond ug Dodong Cabigas sa Heartfelt, Giovanni Canceko, Arnel Trinidad ug Christopher Limbaga sa Vikings, Roy Veloso, Panky Capangpangan ug Reynel Maglinte sa Criminal Intelligence and Investigation Bureau (CIIB) ug Tito Bacarisas, Janus Abellana ug Christian Villacastin sa Aqua Serv.
Ang mahimong MVP makadawat og ganting salapi nga P500 gikan ni FYA president Arnel Trinidad.
Aduna say pagahimuon nga buzzer-beater contest ug three-point shootout.
Mosalmot sa buzzer-beater contest mao sila si Jodon Rabadon, Giovanni Canceko, Timoy Bahina, Eking Marata, Jaime Atuel, Lemard Añasco, Porky Pacaña, Dondon Rama, Roy Veloso ug Mark Enriquez.
Samtang ang mokumbati sa three-point contest mao sila si Noel Medalle, Arnel Trididad, Dondon Cadungog, Nico Laborte, Cesar Pandong, Michael Garcia, Eloy Zapanta,Toper Marata ug Jay Perez. – BANAT NEWS