MANILA, Philippines - Nagtala ng magkasunod na panalo si Antonio Gabica, 2006 Doha Asiad 9-ball gold medalist, noong Linggo ng gabi para maiselyo ang kanyang upuan sa semifinals sa patuloy na hostilidad ng 2009 Qatar International 9-ball Pool Championship sa Qatar Billiards and Snooker Federation sa Doha, Qatar.
Giniba ni Gabica sina Wang Hsiang Hung ng Chinese-Taipei, 11-7, sa Last 16 at world 9-ball champion Daryl Peach ng Great Britain, 11-6, sa quarterfinal match para makapuwersa ng semifinal duel kontra kay dating world champion Mika Immonen ng Finland.
Maghaharap naman sina 2008 World Ten Ball Champion Darren Appleton ng Great Britain at reigning two-time World Junior Champion Ko Pin-yi ng Chinese-Taipei para makumpleto ang final four.