33rd Milo Marathon mosikad karon

CEBU, Philippines – Ipakita sa mga Cebuano runners ang ilang katakus aron makuha ang cut-off time nga maoy pasaporte alang sa grand finals sa pagsikad sa Cebu leg sa 33rd National Milo Marathon sayo ning buntag nga anha manukad sa Cebu Normal University grounds ug matapos sa Cebu City Sports Center (CCSC).

Lahi sa nangaging mga edisyon, ang top three finishers sa men ug women's division awtomatik ngadto sa national championship sa 21K qualifying mo-abante ngadto sa national championships, apan ang mga tigpasiugda ning higayona mihatag og qualifying times nga usa ka oras ug 15 minutos alang sa male runners ug usa ka oras ug 35 minutos alang sa female runners.

Adunay kinatibuk-ang 19,943 ka mga runners ang mosalmot sa lumba diin 17,697 modagan ubos sa 5K category. Ang 3K category adunay 953 runners, ang 10K adunay 993 runners, samtang 300 runners ang mag-ilog sa dungog alang sa 21K class.

Lakip sa mga tang-ang runners nga modagan naglakip nilang defending champions Madelyn Carter ug Rogelio Reli, samtang sila si Leizl Lumindas-Getaruelas ug Mendel Lopez, nga wala modagan sa miaging tuig nikompirmar usab sa ilang partisipasyon.

Matud pa ni Carter nga karong higayona mas bililhon alang kaniya ang pagkuha sa iyang luna sa finals kaysa sa first place ug ganting salapi.

Sa labing unang higayon sa Cebu leg sa tinuig nga lumba, ang First High School For the Hearing Impaired moapil sa cheerdance presentation. 

“This is the first time that deafs and mute joins the cheer dance.This is something to look forward to,” matud pa ni award-winning sports organizer Ricky Ballesteros.

Laing mosalmot sa cheerdance naglakip sa Southwestern University (SWU) alang sa collegiate division ug Bo. Luz Elementary School alang sa elementary division. – BANAT NEWS