CEBU, Philippines – Maggubat karon ang mga tang-ang Airsoft teams sa tibuok Sugbu sa labing unang Bluetac Airsoft Open Tourney nga giulohan og “Burn in the 4th of July” diha sa Labangon Elementary School, ning siyudad.
Ang duka ka adlaw nga kompetisyon sugdan karon sa alas-8 sa buntag hangtod sa alas-6 sa gabii.
Kinse ka teams ang mosalmot nga naglakip sa ATS, Team 557, HAS, ATO, Trident Knights, Sagupa, RAS, CAST, LLC, TW9, Pagcor, Scar, Black Aces, Xage ug Talamban Airsoft.
Gawas sa Airsoft tournament, adunay ipahigayon nga Tactical ug Target shooting tournament ug RC (remote control) helicopter competition. Ang helicopter competition ubos sa pagpangulo sa Rayeder Hobbies ipahigayon ugma.
Ang maong tournament gipasiugdahan sa Bluetac Hobby Shop uban sa suporta sa Guadalupe Airsoft Team. – BANAT NEWS