Ilusad na karon ang tulo ka events sa Milo

CEBU, Philippines – Pormal na nga ilusad ang tulo ka dagkung events sa Milo - ang Cebu leg sa 33rd National Milo Marathon, ang 14th Milo Little Olympics ug ang National Milo Little Olympics karong adlawa sa alas-11:30 sa buntag diha sa Cebu City Sports Center (CCSC) conference room.

Gipaabot nga motambong sa press conference mao si Milo Sports executive director Pat Goc-ong, Cebu City consultant on education Joy Augustus Young, DepEd-7 sports coordinator Dr. Danilo Villadolid ug event organizer Ricky Ballesteros.

Ang 33rd National Milo Marathon nga mosikad karong Domingo limitan lamang ngadto sa 20,000 runners.

Ang tinuig nga lumba gibahin sa 3K Kiddie Run, 5K Run, 10K Run ug 21K qualifying race. – BANAT NEWS