11 teams apil sa Cogon-Ramos Fiesta Cup

CEBU, Philippines – Onse ka koponan gikan sa mga sitio sa Brgy. Cogon-Ramos ang mosalmot sa tinuig nga Barangay Cogon-Ramos Inter-Sitio Fiesta Cup nga mosikad karong Domingo diha sa Cogon Ramos Sports Complex, ning siyudad.

Ang kalihukan sugdan pinaagi sa parada sa alas-2 sa hapon.

Mga koponan nga mag-ilog sa korona naglakip sa Arlandon, Lower Ramos, Ramos Proper, Upper Ramos, Sitio Nangka, Ranudo 1, Ranudo 2, Upper Ranudo Sadaya, Sta Teresita 1 ug Sta. Teresita 2.

Gipasiugdahan ni league organizer Noel Godiz, ang liga gisuportahan sab ni Mayor Tomas Osmeña ug nilang city councilors Jun Pe, Jack Jakosalem. – BANAT NEWS