DTCC mirampa pito sa bulawan

CEBU, Philippines – Mikabkab ang Dancesport-Team Cebu City og pito ka golds, unom ka silvers ug tulo ka bronzes s 2009 DSCPI National Mid-Ranking and Competition niadtong miaging gabii didto sa Philsports Arena sa Pasig City.

Sila si Charlea Lagaras ug Ronnie Vergara maoy mirampa og maayo diin ilang napuhalan ang abilidad sa mga sakop kanhi sa nasudnong koponan ug ingon man ang kaubang Sugbuana nga si Dearlie Gerodias ug ang long-time partner Errol Melencio aron paghari sa premiere latin amateur class.

Sa laing bahin, si Maricris Hermosa napakakita sab sa iyang abilidad uban sa iyang katimbang nga si Joseph Salandagit aron dominahon ang standard special events.

Nakakuha sab sila og bronze medal sa latin-male action.

Ling duha ka paresan ang nitunol og bulawan ngadto sa DTCC. Sila si Roque ug Rhea Marquez nanghawod sa youth C latin, samtang sila si Sunrish Jive Conde ug Cheska Marie Anoza mao sab ang nanghawod sa juvenile latin category.

Sila si Virgiani Oyao ug Jefferson Pimentel mikubkob sab og bulawan human maghari sa youth A latin. Ang DTCC miharos sa unang tulo ka luna sa maong kategoriya uban sa managsuong Marquez nga mi-okupar sa ikaduha ug sila si Inoue Roi Rendon ug Christy Kim Velez mitapos sa ikatulo.

Wala sab magpalupig sila si Mae Lozada ug Anselmo Estillore dihang ilang gidominar ang latin B clss.

Sila si Alexander Montero ug Elizabeth Zetz maoy mitunol sa ikapitong bulawan ngadto sa DTCC human maghari sa senior C latin. – BANAT NEWS