CEBU, Philippines - Ang Team Castrol-Quickflight miharos sa unang tulo ka dapit sa flat track competition aron paghari sa bag-o lang natapos nga Pagadian Invitational race didto sa Pagadian City.
Si Ted Conde maoy nag-una sa lumba, samtang ang nagsunod niya alang sa ikaduha ug ikatulo nga dapit mao sila si Pepo Rubi ug Weng Yapparcon.
Si Conde nakatampo sab og laing daog ngadto sa Team Castrol dihang iyang gidominar ang expert division uban ni Yapparcon, kinsa mitapos sa ikaduha.
Ang kaluhang daog ni Conde nakapahimo kaniya isip usa sa duha ka riders nga nikabkab og duha ka kadaugan sa maong lumba.
Ikaduhang rider kinsa nakakuha og double victories mao si Donkey Sanchez human niya gidominar ang 125 enduro ug open enduro categories.
Laing Castrol-Quickflight rider nga si Jun Enriquez, nidaog sa executive nga nakatabang sa iyang team pagdominar sa maong kompetisyon. – BANAT NEWS