Berberio tinguha mosakmit laing titulo sa Run for Sight

CEBU, Philippines – Damgo ni Charlie Berberio nga masundan ang iyang kadaugan sa miaging bulan sa dihang modagan siya karong adlawa sa Run for Sight Monthly Run diha sa Cebu Doctor’s University (CDU) sa Mandaue City.

Si Berberioa naghari sa open category sa lumba niadtong Mayo dihang iyang gibiyaan si Dr. Yong Larrazabal.

Bagang panon sa mga runners lakip na ang local ug out-of-towners, kinsa nangandam alang sa Cebu leg sa Milo Marathon elimination, ang magginukdanay sayo ning buntag.

Mosamot kadaghan ang modagan karon nunot sa pagsalmot sa mga tinun-an gikan sa Cebu Doctor’s University.

Ang mga winners sa binulan nga karera makabaton og puntos nga sumadahon inig tapos sa tuig. Ang runner sa men ug women’s divisions nga makakuha og dakung puntos maoy ilhong Runner of the Year. – BANAT NEWS